Islamic Poetry

ISLAMIC POETRY

Quran K Warison Ki Ye Pehchan Ban Gae

Nikli Jo Baat Munh Se Wo Quran Ban Gae

Hukam e Khuda J.J Se Chome Qadam Syeda sa K Jab

Banjar Zameen Arab Ki Gulistan Ban Gae

Chashm e Falak Gawah He Waqt e Mubahila

Syed sa Lab e Rasool Ki Muskan Ban Gae

Farsh e Gham e Hussain as Ki Taseer Dekhye

Syeda sa Ghareeb Khany Pe Mehmaan Ban Gae

Utri Thi Jo Kitab Khuda J.J K Rasool savw Pe

Syeda sa Usi Kitab Ki Unwan Ban Gae.

Hon Azadar Faqat Ye Hi Bharam Rakhta Hon

Yani SYEDA sa Ka Boht Khas Karam Rakhta Hon

Me Bhi Kar Sakta Hon Mousa as K Assa Waly Kaam

Me Bhi To Hath Me GHAZI as Ka Alam Rakhta Hon

Han Mujhe Haq He Zamany Ko Shifa’en Banton

Me Bhi Hon Khaak Magar Khaak e Haram Rakhta Hon

Sar Jhuka Kar Dar e MOULA as Pe Sunany K Lye

Apne Deewan Me Ek Me Bhi Nazam Rakhta Hon

Kese Mumkin He Lahad Me Ho Andhera Meri

Pusht Pe Matam e SARWAR (salwat) K Zakham Rakhta Hon

Mujhko “Nasir” Ki Dua He K Har Ek Mehfil Mein

Har Muqasir Ki Me Gardan Pe Qadam Rakhta Hon

Madh e MOLA (salwat) Me Kahon Shair Me Kese Hyder?

Na Hi Daabal Na Farazduq Sa Kalam Rakhta Hon.

Rasool E Khuda savw Ki Hijrat Or Hazrat ALI as Ki Qurbani

Rasool E Khuda savw Ki Hijrat Or Hazrat ALI as Ki Qurbani

Us Raat Ko Hijrat Ki Raat Bolty Hen Jis Raat Hazrat ALI as Hazrat Muhammad Mustfa savw K Bistry Pe So Gae Or Hazor e Akram savw Hijrat Kr k Makky Se Madeeny Tashreef Le Aae Thy. Ye Mola ALI as Ki Fazelaton Me Se Ik Aisi Fazelat He Jisy Hum Qurbani B Keh Sakty Hen.Or Sub Tareekhdanon Ne B Es Waqeye Ko Bayan Kia He.Ahl e Quresh K 40 Bahadur Us Raat Rasool e Khuda savw Ko Qatal Krny K Irady Se Aae Thy Us Maqsad K Lye Rasool e Khuda K Ghar Ka Gheera Tha. Us Raat Mola ALI as Apni Jan Ki Bazi Laga Kr Rasool e Khuda savw K  Bistar Pe So gae Ta K Aap savw Pr Aany Wala Hr Khatra  Apny Aap Pr Le Saky.

Wo Qurbani Itni Ahm Or Fazelat K Qabil H K Boht C Riwayat Se Malom Hota He

(Ref: Tafseer Burhan J1 P206,  Tafseer ul Mezan J2 P99, Bihar J19 P56,78,87)
Allah Pak Ne Is Moqy Pe Ye Ayat Nazil Ki.

(Ref: Sore AL Baqra 207

Tarjuma:" Or Kuch Insano Me Se Kuch Aisy Log B Hen Jo Khuda ki Khushnodi Hasil Krny K Lye Apni Jaan B Bech Dety Hen Or Allah Aisy Bandon Pe Zayada Mehrban He."

HazraT Ali as Ki Fazelat Hazor Pak savw Ki Baasat Se Hijrat Tak

HazraT Ali as Ki Fazelat Hazor Pak savw Ki Baasat Se Hijrat Tak

Hazrat Ali as Ki Subse Pehli  Fazelat Ye He K Ap Ne Subse Pehly Deen e Islam Ka Izhar Kia. Par Haqeqat Is Trha Byan Kren K Ap ne Apny Purani Deen Ko Zahir Kia.

Deen e Islam K Izhar Me Pahal Wo Topic He Jiska Quran Majeed Me B Zikar He.

Tarjma: “ Or Aagy Phir Aagy Wohi Log Hen Jo Muqarab Log Hen.”

((Ref: Sore Waqea Ayat 10,11))

Sirf Ye Nai Pr Jin Logon Ne Makky Ki Fatah Se Pehly Deen e Islam Qabool Kia Or Raah e Khuda Me Apna Maal Or Jaan Ki Qurbani Di Un Logon Ko Un Logon Pe B Bartari He Jinhon Ne Makky Ki Fatah K Baad Eman Lae Or Jihad Kia.

Us Dour Me Us Aadmi Ki Azmat Ka Andaza Lagaya Ja Sakta He K Jo Subse Pehly Deen e Islam Se Sharfyab Hoe Or Us Waqt Eman Laae Jb Hr Tarf Islam K Dushmano Ki Taqat Ka Dour Chal Raha Tha.

Deen e Islam Qabol Krny Me Hazrat Ali as Ne Sub Pr Bartari Hasil Ki Is Fazelat Ka Shumar Subse Bari Fazelaton Me Hota He.

Boht Se Morkhen Ne Us Bat Pe Itfaq Kia He K Hazrat Muhammad Mustfa savw  Pr Pehli “WAHI”  Peer (Monday) Ki Din Nazil Hoe Thi Or Usk 2sry Din Hazrat Ali as Eman Lae.

(Ref: Seerat Ibn Hasham> J1 P246   Kashaf Al Ghama >J1 P113,    Tibri >J2 P310,  Sanan Ibn Maaja> J1 P57)

Hazrat Ali as Ne Deen e Islam Qabool Krny Me Jo Bartari Hasil Hoe Uski Wazahat Krty Hoe Hazrat Muhammad Mustfa savw Ne Sahaba K Aam Majmay Me Farmaya;

“Qayamat K Din Hoz e Kosar Pe Mere Sath Subse Pehly Wohi Shaks Mulaqat Krega Jisne Deen E Islam Qabol Krny Me Pahal Ki Or Wo “Ali ibn Abi Talib He.”

(Ref: Mustadrik Hakim >J3 P136, Kashf al Ghama >J1 P105,  Sharha ibn Abi Al Hadeed> J3 P385, mazeed Malomat K Lye AL-GADEER >J3 P220)

Hazrat Ali as Ne Khud Is Bat Ki Wazahat 2 Mukhtalif Waqeon Pe Ki He.

(Ref: Nahjul Balagha 192)

“Us Din Jis Din Islam Kisi K Ghar Tak Nai Punhcha Tha Or Sirf  Peghamber e Akram savw or Bibi Khadeja sa Us Deen Se Musharaf Hoe Thy Or Me 3sra Shaks Tha. Me Noor e Risalat savw Ko Dekhta Tha Or Nabowat Ki Khushboo Mehsos Krta Tha.”

2sri Jaga Pe Farmaya

(Ref: Nahjul Balagha >Khutba 131)

“Parwardigar Me Wo Pehla Shaks Tha Jisne Tumhari Tarf Wapus Aany Ka Pegham Suna, (Tumhary Peghamber Ki Dawat Ka) Jawab Dia.”

(Ala Huma Sale Ala Muhammad Un W Aal e Muhmmad)

Hazoor Pak savw Ki Nigrani Me Mola ALi as Ki Parwarish

Hazoor Pak savw Ki Nigrani Me Mola ALi as Ki Parwarish

Hazrat Muhammad Mustafa savw  Pe Jab Pehli Wahi Nazil Howi tb Mola ALi as Ki Umer 10 Saal Se Oper na Thi. Mola ALi as Ki Zindagi Ka wo Dour Hasas Tareen Dour Tha.Jis Me Hazrat Muhammad savw Bin Abdullah K Pyar Bhary Saae Me Parwarish Hoe.

Aany Waly Waqt Me Jo Waqyat Hony WaLy Thy Hazoor Pak savw Ko Unk Baary Me Mukammal Pata Tha. Or Ye B Janty Thy K Mery Baad Agr Koi Umat_e_Muslima Ko Sambhalega To Wo Hazrat ALi as Hi Hen. Is Lye Jb Hazrat Ali as 6 Saal K Thy to Hazoor Pak savw Unko Apny Ghar Leke Aae Ta K Aap Khud Apni Nigrani Me Munazim Dastor e Amal Mutabiq Tarbeyat Or Parwarish Kr Saken.

((Ref: Seerat Ibn Hasham >J1 P262,  Kaamil Ibn Aseer >J2 P58, Kashf al ghama> J1 P79, Tareekh Tibri> J2 P312)))

Hazrat Muhammad Mustfa savw Ko Hazrat Ali as Se Itni Muhabat Thi K Ik Pal Pe B Unsy Juda Nai Rehty Thy, Jb B Hazoor Savw Ibadat K Silsily Me Makky Se Bahir Jaaty Thy To Hazrat ALi as Ko Apny Sath Leke Jaaty Thy.

((Referecne: Taarekh Tibri >J2 P313, Sharh Ibn Abi Ul Hadeed> J13 P199, Kashf al Ghama> J1 P117, Kaamil Ibn Aseer> J2 P57, Seerat Ibn Hasham J1 P263))


Hazrat ALi as Ne Us Dour Ki Ahwal Ko Is Trha Samjhaya

"Ap Log Ye To Janty Hen K Rasool e Khuda savw Mujhse Kitni Muhbat Krty Thy Mene Unki Shafqat Bhari Jholi Me Parwarish Paee, Jb Me Chota Bacha Tha To Hazrat Muhammad Mustfa savw Mujhy Apni Jholi Me Bithaty Thy, Mujhy Apny Galy Se Lagaty Thay, Apny Sath Sulaty Thy, Jb Me Unk Sath Sota Tha To Unk Badan Mubarak Ki Khushboo Mehsoos Krta Tha, Roti K Time Ap savw  Apni Moun Se Luqma Chabaar K Mery Moun Me Daalty Thy. Jese Ik Bacha Apni Maa K Pechy Chalta He Wese Hi Me Ap savw K Pechy Pechy Chalta Tha.Ap savw Rozana Mere Lye Neek Akhlaq Ka Parcham Buland Krty Thy Or Mujhy Us Ki Peervi Krny Ka Hukam Dety Thy.

((Reference: Nahjul Balagha >Khutba Qasea 192))

Us Dour Me Hazrat ALi as Ne Hazrat Muhammad Mustfa savw K Buland Akhlaque Or Insani Fazael Se Tmam Zyada Ilm Hasil Kia Or Unki Nigrani Or Hidayat K Neechy Rohaniyat K Aala Kamal Darjy Pe Punhch Gae.


((Ala Huma Sale Ala Muhammad Un W Aal e Muhammad savw))

Hazrat iMaM ALI as Ki Wiladat

Mola ALI as Ki Wiladat Ba-Saadat
Hazrat ALI as ki Wiladat 13 Rajab, Jumy K Din, "Aam Al-Feel" (Aam Al-Feel Wo Saal Jisme "Abraha" Hathion k Lashkar K Sath Kaaby Ko Toorny Aaya Tha) K 30ven Saal (Risalat K Ailan K 10 Saal Pehly) Kaaby Shareef Me Hoe.

Hazrat ALi as K Walid Ka Naam Imran Tha.Hazrat Imran Ko 4 Bety Thy.
1) Talib 2)Aqeel 3)Jaafar 4) ALi as

Janab_e_Imran "ABO TALIB" Ki Kuneyet Se Mashahor Thy. Kuch Tareekhdan Ne Hazrat Ali as K Walid Ka Naam "ABD MANAF" B Likha He Tafseel K Lye Kitab "Sharha ibn abi al Hadeed" J1,P11 Dekhen.Aap "Bani Hashim" Qabeely K Sardar Thy, or Aap ko "Makky" K Ba-Asar Logon Me Shumar Kia Jata Tha.

Hazrat ALi as Ki Walida Ka Naam "Fatima Bint Asad Bint Hashim Bint Abd Manaf" Tha.
BiBi Fatima Bint Asad Ko Kaaby K Tawaf K Doran Wiladat K Aasar Mehsos Hoe Is Lye Ap Mojzy Tor Kaaby K Andar Dakhil Hoen Jahan "Mola ALi as"Ki Wiladat Hoe.

Kaaby Me Ameer ul Momnin Hazrat ALi as Ki Wiladat Aam Shia Morkhen, Muhadiseen, or Ilm Insaab (Khandani Shajry K Ilm) K Danishwaron Ne B Apni Kitabon Me B Likha He.Kaaby Me Hazrat Ali as Ki Wiladat Ki Fazelat Or Kisi Ko B Hasil Nai He.

Islam

Bismillahir Rehman Nir Raheem
Shrro Allah K Naam Se Jo Bara Rehman or Raheem He.
Friends, Inshallah Aaj Se Hum Islam Or Uski History k Mutaliq Articles Share Krengy.
Jisme Apko Books Se Reference B Dengy.

Hum Apko Islamic Knowledge, Nabi Or Imamon Ki Wiladat, Shahadats, Unky Mojzat K Baary Me Knowledge Or Islamic Poetry, Islamic Vedios B Share Krengy.
Islam K Shroo K Dour Se Lekar Is Sadi Tak Har Wo Maloomat Dengy Jo K Bilkul Durst Hogi.Agr Mujhse Koi B Mistake Hojae To Please Rehnumae Zaror Kejeyega.
Thanks